Sırapınar - Ankarasevdam // Ankara Tarihi ve Kültürü Portalı

Şeyh Ali Semerkandi ve
Sığırcık Suyu

Geçmişten Günümüze
Kızılcahamam Çamlıdere

Edebi ve Tarihi Şahsiyetleriyle Ankara

Tarih içinde Polatlı

AnkaraSevdam // Ankara Tarihi ve Kültürü Araştırma Portalına Hoşgeldiniz:

Sırapınar

SIRAPINAR KÖYÜ

Başbakanlık Vakıflar Genel Müdürlüğü Arşivi 603 nolu defterin 101. sayfa 176. sırasında kayıtlı Balâ'da "Nasuh oğlu Hacı Murad Ağa Vakfı"na ait 3 Şa‘bân 1314 tarihli vakfiyyenin yeni harflere çevirisidir.

Hulâsa: 1128 Hulâsa-i Mahsûsa:528

İşbu vakfiyye Mahkeme-i Evkâf′ın 4 Receb 1418 tarihli i‘lâmı üzerine 5 Ramazan 318 tarihinde sudûr iden irâde-i aliyye mûcebince kayd olunmuşdur.

Bâlâ Nâibi Ahmed Hulusi

Ankara Vilâyet-i celîlesi dâhilinde Bâlâ Kazâsı'nın Sırapınar Karyesi ahâlisinden Nasuhoğlu Hacı Murad Ağa ibn el-Hâcc Abdullah nâm kimesne kazâ-i mezkûr mahkeme-i şer‘iyesinde ma‘kûd meclîs-i şer‘i şerîf-i enverde vakf-ı ati'l-beyâna li-ecli't-tescîl mütevellî nasb eylediği li-ebeveyn er-karındaşı Abdurrahman Efendi ibn Hacı Abdullah mahzarında ikrâr-ı sahîh-i şer‘î ve itiraf-ı sarîh-i mer‘î idüp, atyeb-i mâl ve enfes-i menâlimden ifrâz eylediğim otuz aded Osmanlı karye-i mezkûrede pederim müteveffâ Hacı Abdullah bin Hacı mezkûr otuz lirayı alâ-vechi'l-helâl bâ-yed-i mütevellî rehn-i kavî veya kefîl-i melî ile senevî ziyâde ve noksan olmayub ve kalemiye nâmıyla dahi bir nesne alınmayub onu onbir buçuk guruş hesâbı üzere istirbâh olınup hâsıl olan rıbhından câmi‘-i şerîf-i mezkûrda hitâbet iden zâta şehrî yirmi ve imâmına dahi şehrî on ve beher şehîr tenvîriyesine dahi beş guruş sarf ve i‘tâ olınup mütebâkî beş guruşu dahi mütevellî yedinde hıfz ve istirbâh ile câmi‘-i şerîf-i mezkûrun lede'l-hâce ta‘mîr ve termîmine sarf olına ve ben lâbis-i hayat oldukça vakf-ı mezkûrun tevliyeti bana ve vefâtımdan sonra batnen ba‘de batnin evlâdımın ve evlâd-ı evlâdımın ve evlâd-ı evlâd-ı evlâdımın ekber ve erşedine ve ba‘de’l-inkırâz ahâli-i karyenin intihâb edecekleri ehil ve erbâbına meşrûta ola vakf-ı mezkûrun tebdîl ve tağyîri ve teksîr ve tevfîri her kerrede yedimde ola ve bi-emrihi te‘âlâ murûr-ı eyyâm ve kurûr-ı a‘vâm ile icrâ-yı şerâit-i müte‘azzire olur ise rıbh-ı mezkûr mutlaka fukarâ-yı müslimine sarf ve i‘tâ olına deyub meblağ-ı mezkûr otuz lirayı fâriğan ani′ş-şevâğil mütevellî-i mezbûre teslîm ol dahi vakfiyyet üzere kâbz ve tesellüm ve mütevellî-i sâirenin evkâfda tasarrufları gibi tasarruf eyledi dedîkde; Gıbbe′t-tasdîki′ş-şer‘î vâkıf-ı mezbûr butlan-ı vakf-ı nukûda ve zımnında olan kuyûda ba‘dehu kavl-i âdem-i lüzûma teşebbüs idüp mütevellî-i mezbûr dahi sıhhat ve lüzûmuna zâhib olan eimme-i din kavilleriyle mukâbele birle hüküm taleb edicek âlimen bi'l-hilâfi′l-câri beyne′l-eimmeti'l-eşrâfi vakf-ı mezkûrun evvelen sıhhatine ve sâniyen lüzûmuna kazâ-i mer‘î olunmağın vakf-ı mezkûr sahîh ve lâzım olup min-ba‘d nakz u ibtali mümteni‘ü′l-ihtimâl oldu.

Cerâ zâlike hurrire fi′l-yevmi's-sâlis min-şehri Şa‘bâni'l-Muazzam li-sene erbâ‘a aşer ve selâse mietin ve elf. (3 Şa‘bân 1314) 7 Ocak 1897

Kaynak: Abdülkerim Erdoğan, Adım Adım Ankara, Ankara Büyükşehir Belediyesi Yayınları, 2. Baskı, Ankara-2008.